Foodpanda CPS (IN)
సొర చేప పొట్టు
సొర చేప పొట్టు

కావలసిన పదార్థాలు:

సొర చేపలు - రెండు, ఉల్లి ముక్కలు -కప్పు, పచ్చిమిర్చి - నాలుగు, ఆవాలు, మినప్పప్పు - ఒక్కో స్పూను, జీలకర్ర - టీస్పూను, అల్లం వెల్లుల్లి పేస్ట్‌ - రెండు టీస్పూన్లు, గరం మసాలా - టీస్పూను, పసుపు - టీస్పూను, ఉప్పు, కారం - తగినంత, కొత్తిమీర - కట్ట, నూనె - రెండు టేబుల్‌స్పూన్లు


తయారుచేసే విధానం:

గిన్నెలో చేప ముక్కలు, ఉప్పు, పసుపు, చేపలు మునిగేటన్ని నీళ్లు పోసి 10 నిమిషాలు ఉడికించాలి. ఉడికిన తర్వాత ముక్కల్ని చిదిమి పక్కనుంచాలి. కడాయిలో నూనె పోసి మినప్పప్పు, ఆవాలు, జీలకర్ర వేసి వేయించాలి. తర్వాత ఉల్లి ముక్కలు, పచ్చిమిర్చి వేసి వేయించాలి. తర్వాత అల్లంవెల్లుల్లి పేస్ట్‌ వేసి పచ్చివాసన పోయేవరకూ వేయించాలి. పసుపు, గరం మసాలా, ఉప్పు, కారం వేసి కలపాలి. తర్వాత కొత్తిమీర తరుగు వేసి కలిపి చేప పొడి వేయాలి. బాగా కలిపి చిన్న మంట మీద ఐదు నిమిషాలు మగ్గనివ్వాలి. అంతే సొరచేప పిట్టు రెడీ

Posted On 25th February 2017

Source prajasakthi