యోగాభ్యాసంతో లభించే ప్రయోజనాలు ఏమిటో చెప్పిన ప్రధాని మోడీకి... యోగా మ్యాట్‌తో ఎవరికీ తెలియని ప్రయోజనం కూడా ఉందని లక్నోవాసులు రుజువుచేసి చూపించారు. వివరాల్లోకి వెళితే... లక్నోలో బుధవారం మోడీ ఆధ్వర్యంలో యోగా కార్యక్రమం ఏర్పాటుచేశారు. ఈ సందర్భంగా అభ్యాసకుల కోసం మైదానంలో మ్యాట్‌లను పరిచారు. దీనివ
లన యోగాభ్యాసకులకు సౌకర్యంగా ఉంటుందని నిర్వాహకులు భావించారు. అయితే అక్కడకు చేరుకున్న యోగాభ్యాసకులు వర్షం నుంచి తప్పించుకునేందుకు ఆ మ్యాట్‌లను తమపై కప్పుకున్నారు. మరికొందరైతే కార్యక్రమం ముగిసిన తరువాత ఆ మ్యాట్‌లను తడవకుండా కప్పుకుంటూ గేటునుండి మెల్లగా జారుకునే ప్రయత్నం కూడా చేశారు. అయితే గేటు దగ్గరున్న సెక్యూరిటీ సిబ్బంది.. ఆ మ్యాట్‌లను తీసుకుని వారిని పంపింపించడం కొసమెరుపు.
 

Posted On 21st June 2017