వరుస విజయాలతో దూసుకుపోతున్న విజయ్ దేవరకొండ యువతలో మంచి ఫాలోయింగ్ సంపాదించుకున్నాడు. అర్జున్ రెడ్డి సినిమాతో యువతకు బాగా దగ్గరైన విజయ్, గీత గోవిందం తో ఫ్యామిలీ ఆడియన్స్ కి కూడా బాగానే కనెక్ట్ అయ్యాడు. ప్రస్తుతం విజయ్ " డియర్ కామ్రేడ్ " అనే సినిమాలో నటిస్తున్నాడు. ఈ చిత్రానికి భరత్ కమ్మ దర్శకత్వం వహిస్తున్నాడు.
అయితే అఖిల్ తాజా చిత్రం " మిష్టర్ మజ్ను " దర్శకుడు వెంకీ అట్లూరి తో విజయ్ తదుపరి చిత్రం ఉండబోతుంది అనే వార్త చక్కర్లు కొడుతోంది. వెంకీ అట్లూరి మొదటి చిత్రం " తొలిప్రేమ " తో ఇంప్రెస్ అయిన విజయ్, వెంకీ అట్లూరి చెప్పిన కథను వెంటనే ఒప్పుకున్నారని, త్వరలోనే అధికారికంగా ఈ సినిమా ప్రకటిస్తారని ప్రచారం జరుగుతోంది.

Posted On 23rd January 2019